Mujh mein kahin aj bhi zinda hai tu [Hindi]

Mujh mein kahin

aj bhi zinda hai tu,

Samandar ki lehron si

behti hai mujhmein tu.

Har pal thi

mere jeene ka maksad,

Aj bhi tere sapnon se

mujhe raah dikhati hai tu.

Tera wo atoot pyaar

har rag-har sans mein

samaya hai mujh mein,

Main to tera hi

ek hissa hun.

Mere har ladhkarakar

sambhle kadmo mein hai tu,

Kamzor padne pe

mere andar se aati

haunsale ki goonj hai tu.

Mere hansi-mere aansu mein

beete kal ki har yaad mein hai tu,

Mere aaj mein-mere ane wale kal mein

har pal mere sath hai tu.

Har us nanhi bachchi ka

hath thame khadi maa mein hai tu,

Apni beti ko gale lagaye

garv se muskurati maa mein hai tu.

Main to maa

tera hi ek hissa hun,

Mujh mein kahin

aj bhi zinda hai tu.

Pal Bhar k liye Seene se Laga lo (Hindi)

pal bhar k liye hi sahi
apne seene se laga lo

tapish jo hai mann ki
usey thodi thandhak de do

aanshuon ki wajah se bhi
mujhe hansna sikha do

tadpati meethi yaadon ki jagah
ab akele badhne ka haunsala de do

kisi k liye jeene ki wajah thi
ab auron k liye jeena sikha do

mushkurate huye mujhe
jeene ki ek aur wajah de do

(dedicated to my mom_love you maa)

~ Swati Kumari "swatz"

Andhere se door (Hindi)

Har baar koshish karti hun

Nikalne ki andheri galiyon se main,

Roshni ki ek jhalak jo dikhti hai

Umeed jagati kahin mere dil mein.

Par bhatakte  huye pahunch  jati hun

Retiley sooney raston pe

Jo aur bhi jyada gehri maloom hoti hain.

Ret  k bawandar to andhere se bhi

Jyada darawane lagte hain,

Ek aas hoti hai har baar mann mein

Par na jane kyun

door na ho paa rhi is andhere se.

~ Swati Kumari "swatz"

Dhuaan dhuaan si hai zindagi

Dhuaan dhuaan si hai zindagi

Thi jo aag wo hai bujhi hui,

Par chingari kahin koi abhi bhi baki hai

Khoi hui si hai

Par abhi bhi mashaal ka jalna baki hai

Ek zara sa hawa ka jhoka  bhi

Fir se Jaga dega usey,wo sulag jayegi,

Par yun aur andhere mein padi rhi

To bas raakh hi  bach payegi....

~ Swati Kumari "swatz"

Tum

Ye kaisa ehsas hai,
Tere hone ki khusi hai
Par ek dard bhi sath hai.

Khud ko khokar teri duniya mein
Jannat ka ehsas hai,
Ek sihran, ek sukun hai,
Par door tujhse rehne ka
Dard ye bada khas hai.

Socha na tha ki ek pal mein koi
Mujhe khud se hi chura le jayegq,
Jab hua yun to laga
Raat bhar ka khwab hoga,
Par nhi, ye to hakikat hai
Na Jane ab kaise jiya jayega.

~ Swati Kumari "swatz"

Kuchh khas hai bas apki Khatir

Kuchh to khas hai chahat mei apki

Is baat ki to hame bhi khabar ho gai,

Jo aaj tak kisi ke liye

Ye dil kabhi  jhuka  tha nhi,

Na jane is kadar

Kar diya kaise mazboor is dil ko aapne,

Humne kabhi aisi saude bazi nhi ki

Par is bhanwar mein hame dal diya khoob aapne,

Ham to auron ko kehte rahe

Or hamare dil ne khud se kar li dagebazi,

Bas aapki khatir .

 

Aapne to yunhi

Badnam kar diya hamri nazron ko,

Sare aam karar kar liya

Iske kaatil hone ko,

Par uska kya

Jo apki nigaahon ne kiya,

Zulmi ne sataya itna

Ki ham unme na jane

kitna doobte chale gaye,

Utarte gaye un gehraiyon mei

Jaha se nikalna ab muskil ho gaya.

Milna tha ek khoobsurat se dil se

Jisne bina bataye hame kaid kar liya,

Koshish to ki bohot

Hamne nikane ki,

Par yun na asaan ab hua

Is pyari si duniya chhodne ki.

~ Swati Kumari "swatz"

Tere Liye

Dhoondh rhi thi barson jise
Tu  shayad hai wahi,
Lamho ne chhipa rakha tha kahin
Par mera naam to judna tha tere sang hi.

Kal tak to ek khwab thay tum
Haqiqat ban aaj jo saamne aya hai,
Ek khayal meri shayari mein thay
Ab us shayari ko ek naam mila hai.

Meri palkon ka jo neend tha
Na Jane kab tumne chura liya,
Sab se chhipa kar
Ek tasveer niharna bhi tumne sikha diya.

Ek shararat hai tumhari hansi mein

Nigahon mein thodi masoomiyat bhi hai,
Kuchh to hai udhar bhi
Warna dil k har ek dhadkan ki khabar
Tumhe kaise hai.

~ Swati Kumari "swatz"