tujhe sab hai pata na Maa..(hindi)

Maa,

Aaj bhi yaad hai mujhe..

“aati hun tere..

 sapno ko poora kar akele”

..maine hi vaada kiya tha tujhe.

Par..

Zindagi  k is safar mein

Thak chuki hun akele chalte huye.

Raahon mein rok rahe ..

..muskilon se ladte huye.

Mere ye labb  to..

.. asli muskaan  bhi bhool gaye

Roothon ko manate ..

Or sabon  ko hansate huye.

Dil ne dard ko ehsas karna bhi ..

... ab  band  kar diya

Sare  ghamon ko chupate huye.

Kamzor pad gai hun abb

Khud ko majboot karte karte,

Teri godd mein rakh sar..

Sona chahti hun kuchh pal.

Na jaane kitne arson se ..

rok rakha hai khud ko,

Tere aanchal mein chhupkar.

Ro lena chahti hun jee bhar.

Thahar se gaye hain..

..ye kadam mere,

Mujhko baahon  mein bhar apne..

Phir se badhne ka hausala de de.

Kehne ko to bohot hai abhi

Par tujhse kuchh keh nhi sakti.

Ye sab sun ghabraa jayegi..

Kabhi apne dil ka haal nhi kaha
maloom hai mujhe,

...mujh se kahin jada tu toot jayegi.

~ Swati Kumari "swatz"