Khayaalon Mein Unke

Khayaalon mein khoye unke

Ek khayal aya,
Akhir unke bina to mera

Har khayaal adhoora hai.

Ek shararat jo hai unki hansi mein,

Nigahon mein thodi masoomiyat bhi hai,

Kuchh to hai udhar bhi

Warna hamare dil k dhadakno ki khabar

Unhe kaisi hai ?

Har ek pal ke sath

Har ek pal ke sath

Tum aur kareeb aate gaye,

Meri har dhadkan ko

Tum apne naam karte gaye,

Khud ko jitna rokne ki koshish karti,

Khud ko tujhme aur khote chale gaye.

Nhi maloom mujhe

Ki kya hai sahi - kya hai galat,

Bas itni hai khabar

Tum ho wahi jiska tha intezar barson talak,

Adhoori si thi main

Poora sa kar diya tumne jahan mera ab.

Tumse door rehne ka khayal bhi

Ab to nazayaz lagta hai,

Anjani rahon mein chalte huye

Kas k tham lena lo hath mera,

Band rakhne do palkon ko

Sunne do apni dhadkano ko zara.

Ehsas

Alfaz bayan na kar payein
 Jo main kehna chahun,
Door itne hain ki nazron ko
Tum  padh  bhi nhi paao.

Dekhna jo chaho tum
Mere muskate chehre ko,
Bas aaine mein dekh lena khud ko
Mere labon ki muskaan tum hi to ho.

Aankh band kar kuchh pal k liye
Mehsoos kar lena meri sihran ko,
Samet lena khud mein
Mere sare ehsason ko,
Raat bhar sone na diya mujhe
Tumhari un yaadon ko.

Aae mere dil akhir tujhe hua kya hai?

Har baar poochha maine
apne uljhe huye mann se,
Pareshan kyun hai
akhir teri raza kya hai?

Labon ki hansi ban
tu chhaya rehta hai,
par kabhi bheed mein bhi
na jaane kaha kho jata hai?

Tanha hone pe tu
kahin gumsum milta hai,
Aae - mere - dil
akhir tujhe hua kya hai?

Tujhe kaise yaad na karun? [Hindi]

Kaise na yaad karun tujhe main

Meri har subah tujhse thi,

Tuhi to meri pyari si neend thi.

Mera har khwab tujhse hai

Mere har khayal mein tu hai,

Kaise karun tujhse juda khud ko main ?

Har pal kaise chhipaun apne dard ko

Tujhse hi to keh pati thi,

Tera diya dard kissey kahun ab?

Tanhai mein apne anshu rokun kaise,

Tere chhor  jane ka gham main sahun kaise?

Apne seene mein huye

Gahre jhakham k dardko,

Bina maa tere

Sambhalun kaise?

Mujh mein kahin aj bhi zinda hai tu [Hindi]

Mujh mein kahin

aj bhi zinda hai tu,

Samandar ki lehron si

behti hai mujhmein tu.

Har pal thi

mere jeene ka maksad,

Aj bhi tere sapnon se

mujhe raah dikhati hai tu.

Tera wo atoot pyaar

har rag-har sans mein

samaya hai mujh mein,

Main to tera hi

ek hissa hun.

Mere har ladhkarakar

sambhle kadmo mein hai tu,

Kamzor padne pe

mere andar se aati

haunsale ki goonj hai tu.

Mere hansi-mere aansu mein

beete kal ki har yaad mein hai tu,

Mere aaj mein-mere ane wale kal mein

har pal mere sath hai tu.

Har us nanhi bachchi ka

hath thame khadi maa mein hai tu,

Apni beti ko gale lagaye

garv se muskurati maa mein hai tu.

Main to maa

tera hi ek hissa hun,

Mujh mein kahin

aj bhi zinda hai tu.

Pal Bhar k liye Seene se Laga lo (Hindi)

pal bhar k liye hi sahi
apne seene se laga lo

tapish jo hai mann ki
usey thodi thandhak de do

aanshuon ki wajah se bhi
mujhe hansna sikha do

tadpati meethi yaadon ki jagah
ab akele badhne ka haunsala de do

kisi k liye jeene ki wajah thi
ab auron k liye jeena sikha do

mushkurate huye mujhe
jeene ki ek aur wajah de do

(dedicated to my mom_love you maa)

~ Swati Kumari "swatz"